今日係星期五，呢幾日都返左學院上堂，唔駛做野幾日，超級輕鬆！ 不過快樂既時間真係過得好快，聽日又要返返西環返工，都好采就係星期日（即後 日）轉更返夜更，下星期三呢，就係我本人生日，不過我都無約人去玩，唔知點解 今年好想簡單Ｄ咁過，雖然係好似ｄｒｙｄｒｙ地，但係都會好開心既！！ ２） 呢幾日返學院真係好爽，今次個呀SIR真係好識搞氣氛，好多時都係笑緊， 佢真係好多野都識，掂呀！！仲有就係今次我真係學左好多野，係平時上堂係學唔 到架，佢所經歷既野，係我地呢個年代無可能發生，如果可以做到既，我份工一早 就無左喇！仲有就係可以從溫返以前學過既野，有某Ｄ地方係可以買本相關既書黎 學，學左既....第時係返工或升級都好有幫助呀！！ ３） 仲有早排我去睇牙，一上到去，個醫生睇左幾下，就叫個護士幫我照Ｘ光睇 下Ｄ牙，點知一照之下，就大獲，我原本已經出哂四隻智慧齒，出左都唔緊要丫， 點知四隻都要莫，咁我咪問下醫生，可以點攞，醫生就比左兩個選擇我， 第一：一係全身麻醉，一次過莫哂四隻，麻醉時一Ｄ都唔痛，麻醉後就會痛到 仆街，仲要就係最小sick leave一個星期，先可以睇下返唔返到工。 第二：一係局部麻醉，分幾次莫，麻醉一次會莫一隻，分四次，麻醉後都無咁 痛，可以食到ｄ流質既野，但係都要sick leave一日休息。 我諗左一陣，都係唔想死住，選擇左局部麻醉，唔駛咁辛苦，最後我都問左醫生一 句，醫生可唔可以唔莫呀！！醫生答左個好中肯既答案我，（而家你ｄ牙都阻住你 其他既牙，好有可能遲ｄ會令到你牙肉發炎，咁仲煩！最好莫哂佢啦！） ４） 唉！！算喇！！莫左都好既，唔駛煩丫麻！！希望下次去莫牙嗰陣時會無咁 痛啦！！ | 
